АПРЕЛЬ БААТЫРЛАРЫНА АРНАЛЫП ЖАШ КѲЧѲТТѲР ОТУРГУЗУЛДУ.

Бүгүн Апрель Элдик революциясынын шейит болгон баатыр уулдарынын жаркын элесине арналып Нарын шаарынын И. Раззаков чɵлкɵмүндɵгү Ленин кɵчɵсүнүн жээгине «Тянь-Шань» карагайынын кɵчɵттɵрү отургузулду.

Бак тигүү аземине жергиликтүү бийлик ɵкүлдɵрү, Апрель Элдик революциясынын баатырлары, мекеме-ишканалардын, коомдук уюмдардын мүчɵлɵрү катышып, жакшы тилек менен кол тийгизишти.

Бүгүнкү жашылдандыруу иш чарасында шаардагы парктарга, гүлбакчаларга «Таза Нарын» ишканасынын питомнигинен алынган  4 түрлүү бак-дарактардын 164 түп кɵчɵтү тигилди.

Быйыл шаарды кɵрктɵндүрүү максатында 55 миӊ кɵчɵт отуругузулаары пландалууда.

Шаардагы мекеме-уюмдар айлана-тегерегин жашылдандыруу үчүн «Таза Нарын» ишканасына кайрылып, кɵчɵттɵрдү акысыз алышса болот.

IMG_8928_result IMG_8929_result IMG_8930_result IMG_8933_result IMG_8936_result IMG_8940_result IMG_8944_result IMG_8945_result IMG_8948_result IMG_8949_result

 

Share

Нурзада Мукашова

Пресс секретарь мэрии города Нарын

Добавить комментарий