Балдар бакчасынын жаңы имараты 2016-жылдын сентябрь айында ишке бериле тургандыгы пландалып жатат, — мэр Р.Адиев

Нарын шаарында 50 орундуу балдар бакчасынын жаӊы имараты курулат. Бул тууралуу мэриянын басма сɵз катчысы Элиза Качкымбаева билдирет.

Шаардын РТС аймагында «Ак-Дил» балдар бакчасы 135 мектепке чейинки курактагы балдарды кабыл алып иш алып барып келет. Жакында иштеп жаткан балдар бакчасынын жанына жаӊы 50 орундуу корпустун курулуш иштери башталуу алдында турат. Курулуш иштерин тендерден уткан Бишкек шаарынын «Аргын» ЖЧКсы ишке ашырат.

Бүгүн 7-декабрда жаӊы балдар бакчасынын курулушуна капсула салуу аземи ɵтүп, ага Ѳкмɵттүн облустагы  ɵкүлү А.Кайыпов, шаар мэри Р.Адиев, КСДП партиясынын  Нарын облусундагы координатору Э.Алымкулов, «Кыргызстандын тоолуу аймактарындагы жамааттардын ɵнүгүүсүн колдоо» программасынын (Ага Хан Фондусунун демилгеси) Нарындагы филиалынын директору М.Бердибеков, балдар бакчанын жалпы жамааты, ата-энелер жана шаар тургундары катышышты.

Шаарда 40 жылдан бери балдар бакча курула электигин мэр Р.Адиев айтып, салына турган балдар бакчасы бардык шартка жооп бере турганын белгиледи.

Жалпы кетчү чыгымдардын наркы 7 млн. сом акча каражатын түзɵт, анын 4 млн 500 миӊ сому жергиликтүү бюджеттин эсебинен, ал эми 2 млн 500 миӊ сому Ага Хан Фондусу (“MSDSPKG” программасы) тарабынан каржыланууда.

Маалымат үчүн айтсак, Нарын шаарында алты балдар бакчасына 1959 мектепке чейинки жаштагы балдар барып тарбия алып келет.



IMG_7376
IMG_7375 IMG_7374 IMG_7373 IMG_7371 IMG_7365
IMG_7367
IMG_7369 IMG_7370

IMG_7362
IMG_7363

IMG_7358



IMG_7350
IMG_7351

IMG_7354
IMG_7349



IMG_7342

IMG_7344
IMG_7335
IMG_7337


IMG_7334


IMG_7331
IMG_7330

Share

Нурзада Мукашова

Пресс секретарь мэрии города Нарын

Добавить комментарий