Карысы бардын- ырысы бар

Бүгүн, 1-октябрь Улгайган адамдардын эл аралык күнү менен Нарын шаарынын мэри Р.Адиев карыялардын үйлөрүн кыдырып куттуктады. Бул тууралуу мэриянын басма сөз катчысы Элиза Качкымбаева билдирет.

Нарын шаары боюнча 1116 улгайган адам каттоодо турат, даталуу күнгө карата 80 жаштан 90 жашка чейинки карыяларга жергиликтүү бюджеттин эсебинен 48 600 сом акча каражаты бөлүнүп, байланыш бөлүмдөрү аркылуу таратылды.

Шаар башчысы 90 жаштан өткөн 15 улгайган адамдын үйлөрүнө барып куттуктап, белектерин тапшырып, ден-соолук, узак өмүр, дөөлөттүү каарылык каалады. Алардын арасында жалгыз бой жашаган ата, апалар да жок эмес. Каралашкан адамы жокторду көзөмөлгө алып, көмүр-отундан, азык-түлүктөрдөн жана башка жардамдар болсо көңүл бурулуп тураарын Р.Адиев белгиледи.

Белгилей кетсек, Нарын шаардык мэриясы тарабынан берилген азык-түлүк продуктыларына жергиликтүү бюджеттин эсебинен 32 миң сом акча каражатын бөлүнгөн.

img_9721 img_9723 img_9727 img_9730 img_9733 img_9736 img_9740 img_9744 img_9747 img_9750 img_9752 img_9754 img_9760 img_9763

 

Share

Нурзада Мукашова

Пресс секретарь мэрии города Нарын

Добавить комментарий