«КЫЛЫМ СҮРҮП ЖАШАП КЕЛЕТ НАРЫНЫМ»

Жакында Нарын шаарындагы Ж. Коӊурбаева атындагы китепканада Нарын шаарынын 150 жылдыгына карата «Кылым сүрүп жашап келет Нарыным» темасынын алдында  «Китепканадагы кадыр кеч-2018» адабий музыкалуу кечеси ɵткɵрүлдү.

Кече китепкананын усулчусу Нуржан Токтобекова тарабынан ачылып, «Нарын шаары ɵнүгүү жолунда» аттуу фото сүрɵттɵрдүн тактасына жана «Нарын шаары мезгил агымында» аталышындагы китеп кɵргɵзмɵгɵ китепкана кыматкерлери тарабынан баяндамалар жасалды.

Жергиликтүү акын, жазуучулардын Нарын шаары тууралуу  чыгармалары, ошондой эле С. Нааматов атындагы НМУнун студенттеринин, №8-А. Буйлаш уулу, №9-А. Садыков атындагы орто мектептердин окуучуларынын шаарыбыздын басып ɵткɵн жолу, бүгүнкүсү жана келечеги тууралуу жазылган эсселери кɵркɵм окулду.

Нарын шаардык мэриясынын бɵлүм башчысы Нурлан Кайыпов шаардын азыркы мезгилдеги экономикалык ɵнүгүү кадамдары тууралуу маалымат берди.

Китепканадагы кадыр кечте шаардагы улуттар аралык ынтымак, кызматташтык, теӊир тоолук таланттуу инсандар тууралуу да кеӊири сɵз болуп, жагымдуу ыр-күүлɵр менен коштолду.

Маданий иш чара коомчулук үчүн Нарын шаарынын 150 жылдык тарыхынын урунттуу учурларын ар тараптан ачып, баалуу маалыматтар менен камсыздады.

DSC04706_result

 

DSC04695_result DSC04696_result DSC04704_result DSC04708_result DSC04710_result DSC04712_result DSC04713_result

Share

Нурзада Мукашова

Пресс секретарь мэрии города Нарын

Добавить комментарий