Мэр Б.Жээналиев согуштун ардагерлерин үйлɵрүнɵн куттуктады

Улуу Жеӊиш күнүн утурлай, ушул жылдын 8-май күнү, шаар мэри Б.Жээналиев салтка айланып калгандай, согуштун ардагерлеринин үйлɵрүн кыдырып, жылуу сɵздɵрүн, каалоо тилектерин айтуу менен бирге, ак калпак кийгизип, белектерин тапшырды. Бул тууралуу мэриянын басма сɵз катчысы Э.Качкымбаева билдирет.

Ѳз кезегинде ардагерлер орден, медаль толо тагылган костьюмдарын кийип, шаар жетекчилигинин дал ушул күнү адаттагыдай келүүсүн сезгенсип, үй-бүлɵсү, бала-бакыралары менен толкунданып кабыл алышты.

Согуш маалындагы жашоону кɵз алдына элестеткен аталарыбыз,  Жеңиштин баасын жана бул тынч күндүн баркын ɵсүп келе жаткан муунга айтпай кетүү мүмкүн эместигин билдиришип, алакан жайып, ак батасын беришип, тереӊ ыраазычылыктарын билдиришти.

Ал эми мэр, ансыз да күндɵн күнгɵ арабыздан саны суйулуп бараткан, бизге тынчтык жашоону алып келген ардактуу Ата Мекендик согуштун ардагерлерине чын ден соолук, кажыбас кайрат жана улуу Жеӊиштин кийинки юбилейлерине күбɵ болуп, кɵп жылдык ɵмүр сүрүүсүн каалады.

IMG_3470 IMG_3471 IMG_3472 IMG_3473 IMG_3474 IMG_3475 IMG_3476 IMG_3478 IMG_3480 IMG_3481 IMG_3482 IMG_3484 IMG_3486 IMG_3488 IMG_3489 IMG_3490 IMG_3491 IMG_3492 IMG_3493 IMG_3494 IMG_3495 IMG_3496 IMG_3498 IMG_3499 IMG_3500 IMG_3503 IMG_3504 IMG_3507 IMG_3508 IMG_3511 IMG_3512 IMG_3513 IMG_3514 IMG_3515 IMG_3516

Share

Mairambek

Пресс секретарь мэрии города Нарын

Добавить комментарий