Нарында Улуу Жеӊиштин 70 жылдыгына карата митинг-реквием ɵткɵрүлдү

Бүгүн, 9-май күнү Нарын шаарындагы «Тянь-Шань» паркында Улуу Жеӊиштин 69 жылдыгына арналган салтанаттуу митинг болуп ɵттү. Бул тууралуу мэриянын басма сɵз катчысы Э.Качкымбаева билдирет.

Иш-чара Улуу Ата Мекендик согушта курман болгондордун эстелигине гүл чамбарларды коюу, асманга ок атуу жана куран окуу менен башталып, Кыргыз Республикасынын Жогорку Кенешинин депутаттарынын,  облустун жана шаардын жетекчилеринин куттуктоолору менен коштолду.

Митингди алып барган шаардын мэри Р.Адиев  ɵз сɵзүндɵ, «жеӊиш күнүн кɵз жаш менен кошо келген майрам деп тегин жерден атабаган чыгаар. Улуу майрам биздин кайгыбыз дагы, салтанатыбыз дагы. Бул күндү биз эстен чыгарууга акыбыз жок. Азыркы муундун атынан кан майданда баатырларча курман болгондордун, бүгүнкү күндүн жарыгын кɵрбɵй калгандардын элесине жана ооруктун эмгекчилерине тизе бүгүп, тереӊ таазим этебиз»,-деди.

Иш чаранын жүрүшүндɵ паркка тигилген аскердик чатырдын ичине ардагерлерге жана оруктун катышуучуларына  2025 аскердик бɵлүгү менен шаардык мэрия тарабынан дасторкон даярдалып, солдаттык каша  берилди.

Ошондой эле майрамга карата жергиликтүү бюджеттин эсебинен согуштун ардагерлерине 5 миӊ сомдон жана тылдын ардагерлерине 3 миӊ сомдон акчалай жардам берилип, ак калпак кийгизилип, сый кɵрсɵтүлдү.

IMG_0828 IMG_0826 IMG_0824 IMG_0816 IMG_0807 IMG_0764 IMG_0751 IMG_0744 IMG_0714 IMG_0695 IMG_0685 IMG_0680
IMG_0669
IMG_0662 IMG_0660 IMG_0656 IMG_0650 IMG_0648 IMG_0642 IMG_0631 IMG_0627 IMG_0625 IMG_0622 IMG_0618 IMG_0617 IMG_0608

 

Share

Нурзада Мукашова

Пресс секретарь мэрии города Нарын

Добавить комментарий