НАРЫН ШААРЫНА ЗАМАНБАП ТҮНКҮ ЖАРЫКТАР КОЮЛУУДА.

Бүгүнкү күндө Нарын шаарынын көчөлөрүнө заманбап түнкү жарыктарды коюу иши башталды.

Белгилей кетсек, шаарды түнкү чырактар менен камсыздоого жергиликтүү бюджеттен 1 миллион сом каралган.

Бул каражатка тендер аркылуу керектүү жабдуулар гана сатылып алынып, түркүктөрдү жасоо, орнотуу иштери «Таза Нарын» ишканасынын кызматкерлери тарабынан жүргүзүлүүдө.

Бийиктиги 10-11 метрлик темир түркүктөргө заманбап, сапаты жакшы чырактар орнотулуп, жакынкы күндөрдө шаардын Московский аймагындагы кире беришинен «64» аймагына чейинки жолдун эки тарабы 60тан ашык түнкү жарыктар менен камсыздалмакчы.

Шаардын башка кире бериштери, жарыгы жок туура көчөлөрү да башка каражат булактарынын эсебинен жарыктандырылаары пландалган.

32863856_220393501886599_1348670287004041216_n 32897239_220393661886583_3856423127596662784_n 32929379_220393408553275_265881750050177024_n 33020771_220393585219924_728396788062486528_n 33030790_220394405219842_7457742334730436608_n

Share

Нурзада Мукашова

Пресс секретарь мэрии города Нарын

Добавить комментарий