НАРЫН ШААРЫНДАГЫ №2 В.П.ЧКАЛОВ МЕКТЕБИНДЕ АЧЫК ЭШИКТЕР КҮНҮ ӨТКӨРҮЛДҮ

Бүгүн, 20-майда Нарын шаарындагы № 2 В.П.Чкалов атындагы мектеп-гимназиясында ачык эшиктер күнү өткөрүлдү.

Ага шаар башчысы Э.Алымкулов, вице-мэр С.Эсенаманова, шаардын депутаттары, ата-энелер, мектеп жамааты жана окуучулар катышышты.

Ачык эшиктер күнүндө мектептин билим берүүдөгү жетишкендиктери, ийгиликтери, долбоорлор менен иш алып баруусу, чет тилдердин бир нече түрү менен окуучулардын алектенүүсү, мектептин эл аралык мамилелери, сабактын тышкаркы ийримдер тууралуу кеңири маалыматтар берилип, япон элинин маданиятынан бир сүртүм тартууланды.

Анда сөз сүйлөгөн шаар мэри Э.Алымкулов, “мектептеги билим берүүнүн канчалык сапаттуу экендигин, жыл сайын өткөн окуучулардын республикалык, облустук, шаардык олимпиадаларда камсыз кылган орундары тастыктайт. Андыктан мектеп-гимназиянын көптөгөн ийгиликтерине күбө болуп келебиз, мындан аркы окуу-тарбия иштерине ийгиликтерди, окуучуларга окууларындагы мыкты көрсөткүчтөрдү каалаймын” деди мэр өз сөзүндө.

Иш чаранын жүрүшүндө 2016-2017- окуу жылында  мыкты көрсөткүчтөрдү көрсөтө алган окуучуларга мектептин атайын дипломдору тапшырылды.Ал эми ачык эшиктер күнүнүн алкагында  окуучулардын эмгегинен жаралган буюм-тайымдардын  көргөзмөсү  уюштурулду.

 IMG_7676 IMG_7678 IMG_7681

IMG_7685 IMG_7687 IMG_7691 IMG_7696 IMG_7697 IMG_7714 IMG_7718 IMG_7730 IMG_7739 IMG_7750

Share

Нурзада Мукашова

Пресс секретарь мэрии города Нарын

Добавить комментарий