НАРЫН ШААРЫНДА БАТКЕН ОКУЯСЫНА АРНАЛГАН ИШ ЧАРА БОЛУП ӨТТҮ

Бүгүн, 26-октябрда Нарын шаарынын Ж.Акималиев эс алуу паркында Баткен окуясынын 17 жылдыгына арналган митинг реквием болуп ɵттү. Бул тууралуу мэриянын маалымат катчысы Элиза Качкымбаева билдирет.

Алгач Баткен окуясында курман болгон жоокерлердин элесине гүл чамбарлар коюлуп, алардын арбактарына куран окулуп, бир мүнөттүк эскерүү болду.

Митингди Нарын шаарынын мэри Э.Алымкулов ачып,  Баткен окуясында курман болгон жоокерлердин туугандарына көңүл айтып, баатырларды сыймыктануу менен эскерип, алардын эрдигине таазим кылаарын белгиледи.

Ошондой эле салтанаттуу иш чаранын жүрүшүндɵ Баткен согушунун катышуучуларынын айрымдарына, коомдук иштерге жигердүү катышкандыгы үчүн Нарын шаардык мэриясынын Ардак грамоталары тапшырылды.

Такталган маалыматтар боюнча, баскынчылардын басып кирүүсүн токтотуу максатында, республиканын башка региондорунун катарында Нарын шаарынан 2025-аскер бөлүгүнүн 28 аскери, аскер комиссариатында каттоодо тургандар, запастагы офицерлер жана ыктыярдуу топтордон 110 дон ашык эр азамат Баткенге жөнөтүлгөн. Алардын ичинде биздин жердештерибиз Заярко Руслан Николаевич менен Муканбет уулу Улан баатырларча курман болушкан.

Белгилей кетсек, бул күнгɵ карата жергиликтүү бюджеттин эсебинен 93 миӊ сом акча каражаты бɵлүнүнүп, каза болгон баатырлардын үй-бүлɵсүнɵ 3 миӊ сомдон, катышуучуларына 1 миӊ сомдон жɵлɵкпул берилди.

IMG_3189 IMG_3190 IMG_3192 IMG_3193 IMG_3195 IMG_3196 IMG_3202 IMG_3203 IMG_3205 IMG_3206 IMG_3207 IMG_3208 IMG_3209 IMG_3222 IMG_3223 IMG_3229 IMG_3231 IMG_3232 IMG_3237 IMG_3239 IMG_3244 IMG_3245 IMG_3247 IMG_3250 IMG_3253 IMG_3256 IMG_3257 IMG_3270 IMG_3271

Share

Нурзада Мукашова

Пресс секретарь мэрии города Нарын

Добавить комментарий