Нарын шаарында Ж.Шералиев атындагы балдар искусство мектебинин жаңы имаратынын курулуш иштери башталды

IMG_3046

 

 

 

 

 

 

 

 

 

 

 

Нарын шаарында Ж.Шералиев атындагы балдар искусство мектебинин жаңы имаратынын курулуш иштери башталды. Бул тууралуу мэриянын басма сөз катчысы Элиза Качкымбаева билдирет

Бүгүн 28-мартта шаардын борбордук аянтынын жанынан орун алган  аянтчада аталган  мектептин курулушуна капсула салуу аземи өтүп, ага КР ЖК депутаттары Ч.Турсунбеков, А.Кулбараков, Ж.Мусабековалар,  Ѳкмɵттүн облустагы  ɵкүлү А.Кайыпов, шаар мэри Р.Адиев, КР маданият жана маалымат министрлигинин өкүлдөрү, мектептин жалпы жамааты, ата-энелер, шаардык мекеме ишканалардын жетекчилери жана шаар тургундары катышышты.

Курулуш иштерин мамлекеттик бюджеттеги капиталдык салымдар аркылуу бөлүнгөн  47 млн. 242 миң 900 сомго «Имарат  Прогресс» ЖЧКсы ишке ашырат. Мектеп менен чогуу жылуулукту камсыз кылуучу от казан жайгашкан жертөлөсү менен 3 кабаттуу мектеп курулат.

Маалымат үчүн айтсак, учурда бул мектепте 213 окуучу баян, фортепиано, чоор, сыбызгы жана комуз бөлүмдөрүндө билим алышып, 24 мугалим эмгектенет. Окуу мөөнөтү 5-7 жыл.

Мектептин мурунку имараты 1938-жылы кадимки билим берүү мекемеси катары салынып, андан бери бир да жолу капиталдык оңдоп-түздөөдөн өткөрүлгөн эмес, имарат авариялык абалга келип, кулап калуу коркунучун жаратып келген. Имарат орто мектепке ылайыкталып, атайын музыкалык ийримдерди өткөнгө шарттар жок болгондуктан, искусство мектебинин жамааты жана окуучулары атайын шарт түзүлгөн имаратка муктаж болуп келген.

IMG_3049

IMG_3054
IMG_3056 IMG_3058 IMG_3062 IMG_3063 IMG_3066 IMG_3069 IMG_3071 IMG_3073 IMG_3075 IMG_3079 IMG_3084 IMG_3086

Share

Нурзада Мукашова

Пресс секретарь мэрии города Нарын

Добавить комментарий