Нарын шаарында Кыргыз Республикасынын Эгемендүүлүгүнүн 25 жылдыгы чоң салтанат менен белгиленди

Бүгүн, 31-августта Нарын шаарынын борбордук Т.Усубалиев атындагы аянтында Кыргыз Республикасынын Көз карансыздыгынын 25 жылдыгы чоң салтанат менен белгиленди. Бул тууралуу мэриянын маалымат катчысы Элиза Качкымбаева билдирет.

Майрамдык салтанатты Нарын шаарынын мэри Р.Адиев ачып, шаар тургундарын жана меймандарын мамлекеттик майрам менен куттуктап, өлкɵбүздүн экономикасы  өнүгүп-өсүп, жарандары көбөйүп, жаркын келечектүү мамлекетке айланаарына тилектештигин билдирди.

Куттуктоо сөздөрүн КР транспорт жана жол министри З.Айдаров, КРѲ Нарын облусундагы ыйгарым укуктуу өкүлү А.Кайыповдор сүйлөшүп, теңиртоолуктарды майрамы менен кызуу куттукташты.

Жетекчилердин куттуктоосунан кийин аскердик парад көрсөтүлүп, мекеме-ишканалардын кызматкерлеринен турган 12 блок кезек кезеги менен демонстрациядан өтүштү.

Ага улай Нарын району тарабынан  Кыргыз көчү жана кыз-жигит  “Сармерден” айтышы тартууланды.Ошол эле учурда шаардын борбордук стадионунда спорттун чоюн көтөрүү, волейбол, футбол, аркан тартыш, ордо оюндары боюнча мелдештер өткөрүлдү. Жергиликтүү бюджеттин эсебинен майрамдык иш-чараны уюштуруп, өткөрүү үчүн 155 миң сом акча каражаты жумшалды.

img_8339 img_8342 img_8346 img_8360 img_8366 img_8370 img_8372 img_8378 img_8383 img_8393 img_8395 img_8396 img_8405 img_8417 img_8422 img_8433 img_8448 img_8454 img_8458 img_8494 img_8495 img_8503 img_8520 img_8582 img_8585 img_8594 img_8614 img_8615 img_8617 img_8620 img_8630 img_9413 img_9416

Share

Нурзада Мукашова

Пресс секретарь мэрии города Нарын

Добавить комментарий