НАРЫН ШААРЫНДА МУГАЛИМДЕР КҮНҮ БЕЛГИЛЕНДИ.

4-октябрда Нарын шаарында Эл аралык мугалимдердин күнүнɵ карата салтанаттуу иш чара ɵткɵрүлүп, ардактуу кесип ээлеринин түйшүктүү эмгегине баа берилип, эмгек алдыӊкыларына сыйлыктар тапшырылды.

Салтанаттуу иш чараны Нарын шаардык билим берүү берүү бɵлүмүнүн башчысы Кубан Мамбетов ачып, кесиптештерине каалоо-тилегин арнады.

Майрамдык иш чарага катышкан Нарын шаарынын вице-мэри Салтанат Эсенаманова шаар мэри Эмилбек Алымкуловдун жана ɵзүнүн атынан билим берүү тармагынын жалпы кызматкерлерине куттук жолдоп, алардын келечек муунду тарбиялоодогу бийик ролун баса белгиледи. Ошондой эле билим берүү тармагы шаардагы бардык коомдук иштерге жигердүү катышып, айрыкча шаардын 150 жылдык мааракесине зор салым кошушкандыгына сыймыктануу менен токтолуп, тереӊ ыраазылык билдирди. Аларга жакшы тилегин арноо менен бир катар эмгек алдыӊкыларына Нарын шаардык мэриясынын жана Нарын шаардык Кеӊешинин Ардак грамоталарын, Ыраазылык каттарын тапшырды.

Бул күнү кесип ээлерин куттуктаган Нарын шаардык Кеӊешинин башкы адиси Акылай Жапаралиева «Нарын шаарынын Ардактуу атуулу» наамын №17-«Ынтымак» балдар бакчасынын тарбиячысы Гүлнара Усубалиевага жана №8-Арстанбек Буйлаш уулу атындагы орто мектебинин мугалими Аймира Токтогуловага ыйгарды.

Майрамдык кечеде ардактуу эс алуудагы жана бүгүнкү күндɵ жигердүү эмгектенип жаткан кесип ээлерине Нарын облустук усулдук билим берүү борборунун, Нарын облустук ички иштер башкармалыгынын, Нарын шаардык билим берүү бɵлүмүнүн, Кесип бирликтер уюмунун сыйлыктары тапшырылып, мугалимдердин жана окуучулардын жагымдуу музыкалык чыгармалары тартууланды.

IMG_4880_result IMG_4883_result IMG_4888_result IMG_4893_result IMG_4899_result IMG_4908_result IMG_4912_result IMG_4916_result IMG_4919_result IMG_4920_result IMG_4923_result IMG_4926_result IMG_4929_result IMG_4930_result IMG_4933_result IMG_4934_result IMG_4936_result IMG_4939_result IMG_4943_result IMG_4946_result IMG_4947_result IMG_4952_result IMG_4967_result IMG_4971_result IMG_4975_result IMG_4982_result IMG_4984_result IMG_4986_result IMG_4988_result IMG_4990_result IMG_4992_result IMG_4995_result IMG_5001_result IMG_5003_result IMG_5011_result IMG_5014_result IMG_5017_result IMG_5029_result IMG_5031_result IMG_5035 - копия_result IMG_5037_result

IMG_4930_result

FacebookTwitterVKOdnoklassnikiWhatsAppДостор менен бөлүшүү

Добавить комментарий