НАРЫН ШААРЫНДА САРЫК ООРУСУН АНЫКТОО БОЮНЧА ЭЛ АРАЛЫК КОНФЕРЕНЦИЯ ѲТҮП ЖАТАТ.

Бүгүн, 26-июлда Нарын шаарындагы Ж. Шералиев атындагы искусство мектебинин имаратында сарык оорусун аныктоо, алдын алуу жана дарылоо боюнча ɵткɵрүлɵ турган үч күндүк эл аралык конференция ɵз ишин баштады.

Кыргыз Республикасынын Саламаттыкты сактоо министрлиги, Кыргызстандын инфекционисттер жана гепатологдор коому, жергиликтүү бийлик жана облустук Үй-бүлɵлүк дарыгерлер борбору тарабынан уюштурулган бул иш чарага Россиядан, Индиядан, Казакстандан жана Кыргызстандан келген инфекциялык оорулар жана гепотология боюнча жогорку билим-тажрыйбасы бар окумуштуулар катышууда. Алар конференцияда дарыгерлерге сарык ооруларын алдын алуу, дарылоо боюнча дүйнɵдɵгү алдыӊкы ыкмаларды, жаӊылыктарды бɵлүшмɵкчү.

Мындан сырткары жергиликтүү калк арасындагы сарык ооруларын аныктоо максатында акысыз лабораториялык изилдɵɵлɵрдү жүргүзүү, 50 пайыздык жеӊилдик менен (500 сом) боор оорусун аныктай турган ФИБРОКСАН аппаратына тартуу, тажрыйбалуу дарыгерлер тарабынан кеӊештерди берүү кызматтары кɵрсɵтүлүүдɵ.

Ошондой эле сарык ооруларын аныктоо максатындагы марафон да бул күнү ачык болуп, каалоочулар ɵз ниеттери менен колдон келген каражатын салып беришти.
Иш чаранын ачылышында сɵз сүйлɵп, алыстан келген окумуштууларга Нарын шаарынын элинин атынан ыраазылык билдирген шаар мэри Эмилбек Алымкулов жергиликтүү элдин ден соолугу үчүн марафонго жергиликтүү бюджеттен 10 миӊ сом салым кошту.

Нарын облустук үй-бүлɵлүк дарыгерлер борборунун директору Мурат Алияскаровдун айтымында, лабораториялык изилдɵɵлɵрдɵн ɵтүүнү жана аппаратка түшүп, оорусун аныктап алууну каалагандарга эртеӊ, 27-июль күнү да медициналык кызмат кɵрсɵтүлɵт.

37774452_262613024331313_664224882829033472_n_result 37812873_262614450997837_3161703676318318592_n_result 37836438_262612937664655_416739439780298752_n_result 37849275_262612930997989_7609786101154185216_n_result 37859489_262612917664657_6661756994950529024_n_result

37890766_262611740998108_9187670670962589696_n_result

Share

Нурзада Мукашова

Пресс секретарь мэрии города Нарын

Добавить комментарий