НАРЫН ШААРЫНДА «ЫЙМАН, АДЕП ЖАНА МАДАНИЯТ» ЖЫЛЫНА КАРАТА ӨТКӨН «ЖАШ ТАЛАНТТАР — 2017» КАРОО — СЫНАГЫ ЖЫЙЫНТЫКТАЛДЫ

IMG_6363Нарын шаарында “Ыйман, адеп жана маданият” жылына карата өткөрүлгөн “Жаш таланттар — 2017” кароо-сынагы жыйынтыкталды.

Дастан, Манас айтуу, улуттук аспаптарда ойноо, вокал, жеке номерлер, бий, сүрөт тартуу болуп жети жанр боюнча Нарын шаарынын мектептеринде өткөн жаш таланттар сынагынан тандалып алган мыкты номерлер бүгүн, элдин кароосуна тартууланды.

Жыйынтыктоочу  гала — концерт Нарын шаарындагы Ж.Шералиев атындагы музыкалык мектепте өткөрүлүп, ага шаар мэри Э.Алымкулов, шаардык Кеңештин төрагасы Ж.Ботоканов катышышты.

Нарын шаарынын окуучуларынын айылда окуган балдарга караганда ыр, бий, музыкалык инструменттерде ойноо жана башка ийримдерге катышууга мүмкүнчүлүктөрү көбүрөөк экендигин шаар мэри белгилеп, облустук “Жаш таланттар — 2017” сынагында шаардын окуучулары байгелүү орундарды алуусуна тилектештигин билдирди.

Иш чаранын жүрүшүндө сынактын баардык катышуучулары грамоталар жана кызыктыруучу сыйлыктар менен сыйланышты.

Жети жанр боюнча мыкты деп тандалып алган жеңүүчүлөр май айында өтө турган облустук  “Жаш таланттар — 2017” сынагына катышышат.

IMG_6295 IMG_6300 IMG_6301 IMG_6302 IMG_6306 IMG_6317 IMG_6319 IMG_6322 IMG_6325 IMG_6328 IMG_6329 IMG_6335 IMG_6342 IMG_6362 IMG_6363 IMG_6385

Share

Нурзада Мукашова

Пресс секретарь мэрии города Нарын

Добавить комментарий