Нарын шаарында 7-апрелде курман болгондорду эскерүү митинги ɵттү

Бүгүн, 6-апрелде Нарын шаарында Апрель Элдик революциясынын күнүнѳ карата курман болгондорду эскерүү митинги болуп ѳттү. Бул тууралуу шаардык мэриянын маалымат  катчысы Э.Качкымбаева билдирет.

Алгач облус, шаар, район жетекчилери, апрель окуясынын баатырлары жана катышуучулары митинг өтүлүүчү Тянь-Шань паркына чейин жүрүш менен келишти. Митинг 7-апрель баатырларына арналып тургузулган эстелик астына гүл чамбарларды коюуу менен башталды.

Эскерүү митингди Нарын шаарынын мэри Э.Алымкулов ачып, өз сөзүндө, “биз адилеттүү, күчтүү, өнүккөн ɵлкɵнү курууга  милдеттүүбүз жана курман болгон эр азаматтардын жаркын элестерине таазим этип, шаарыбызды, ɵлкɵбүздү ɵнүктүрүүгɵ, биримдикти бекемдɵɵгɵ, ынтымакты чыӊдоого татыктуу салымыңыздарды кошууга чакырамын” деп, тынч, берекелүү заман, бакубат турмуш каалап өттү.

Андан соӊ курман болгон баатырлардын арбагына куран окулду.  Сөз сүйлөгөн облус, район башчылары элдин жаркын келечеги үчүн баатырларча курман болушуп, мамлекетти сактап калуу менен чыныгы демократияга карай жол ачып кеткен баатырлардын жаркын элеси түбɵлүк жашайт жана  эрдиктери эч качан унутулбайт дешти.

IMG_5753 IMG_5756 IMG_5758 IMG_5760 IMG_5761 IMG_5767 IMG_5768 IMG_5774 IMG_5781 IMG_5782 IMG_5798 IMG_5812 IMG_5815 IMG_5830

Share

Нурзада Мукашова

Пресс секретарь мэрии города Нарын

Добавить комментарий