Нарын шаарынын мектептеринде биринчи конгуроо кагылып жаңы окуу жылы башталды

Бүгүн, 1-сентябрь Билим күнү Нарын шаарынын мэри Р.Адиев №8 Арстанбек Буйлаш уулу атындагы орто мектебинин салтанаттуу иш чарасына катышты. Бул тууралуу мэриянын маалымат катчысы Элиза Качкымбаева билдирет.

Шаар башчысы Билим күнү менен мектептин жалпы жамаатын, ата-энелерди жана окуучуларын куттуктап, “билимдүүгө дүйнө жарык, билими күчтүү миңди жыгат” деген кыргыздын насил сөздөрүн келтирип, окуудагы же тишкендиктерди, ийгиликтерди, жаңы ачылыштарды каалап өттү.

Маалымат үчүн айтсак, КР Билим берүү министрлигинин 2012-2014-жылга чейин Коопсуз мектеп программасы аркылуу аталган мектептин капиталдык ремонт  иштерин өткөрүү үчүн тендерден “Коной” курулуш фирмасы утуп алган. Мектептин спорт залы, окуу кабинеттердин, фойелердин терезелери толугу менен пластик терезелерге алмашылды. Бүгүнкү күндө мектептин сырты шыбалып, краска чачылып, мектептин чатыры алмашылып, сливтери орнотулду.

Иш чаранын жүрүшүндө оңдоп-түздөө жумуштарын жүргүзүп жаткан курулуш фирмасынын жетекчисине жана жумушчуларына Нарын шаардык мэриясынын жана Кеңешинин “Ыраазычылык каттары” тапшырылды.

Ошентип биринчи коңгуроо кагылып 2016-2017-жаңы окуу жылында №8 мектептин 1-классына 150 бала кабыл алынды. Ал эми жалпы 1768 мектептен билим алат.

img_8894 img_8895 img_8900 img_8902 img_8904 img_8907 img_8920 img_8933 img_8945 img_8947 img_8954 img_8956 img_8975 img_8978 img_8980 img_8986 img_9004 img_9006 img_9011 img_9014

Share

Нурзада Мукашова

Пресс секретарь мэрии города Нарын

Добавить комментарий