НАРЫН ШААРЫНЫН ОРТО МЕКТЕПТЕРИНИН ОКУУЧУЛАРЫ ТУРГУНДАРДЫ ШААРДЫ ТАЗА КАРМООГО ҮНДӨШӨТ

IMG_7103Нарын шаарында «Биз таза шаар үчүн!» аталыштагы акция өткөрүлүүдө. Бул тууралуу  мэриянын маалымат катчысы Элиза Качкымбаева билдирет.

Тазалык акциясын уюштуруу демилгеси Нарын шаардык билим берүү тармагы тарабынан көтөрүлүп, бүгүн, 12-майда анын расмий ачылышы болуп өттү. Тазалыкка үндөгөн чакырыктарды көтөргөн шаардагы сегиз орто мектептердин окуучулары Нарын шаарынын борбордук аянтына тизилип, “Тазалык шаарыбызга, шаарыбыз баарыбызга” деп чакырык салып турушту.

Иш чаранын катышуучуларына шаар башчысы Э.Алымкулов, шаардык Кеңештин төрагасы Ж.Ботоканов чыгышып, окуучулардын шаардын тазалыгына кайдыгер карабай, пайдалуу демилге көтөрүп, коомдук жумуштарга активдүү катышып жаткандыгына жакшы баасын беришип,  мындай бирдиктүү акциялар келечек муунду эмгекке тарбиялоодо, патриоттуулукка үндөөдө оң натыйжасын бере тургандыгын белгилешти.

Колуна тазалоо иштерин жүргүзүүгө керектүү шаймандарды көтөргөн орто мектептердин ыктыярчылары  шаардын “64” аймагынан баштап “Жаңы-Жол” аймагына чейинки борбордук көчөнү тазалап, бактарды акилеп чыгышмакчы.

Ошондой эле акциянын жүрүшүндө ар бир мектеп өзүлөрү даярдап чыккан тазалыкка үндөгөн баракчаларын шаар тургундарына таратып, элди тазалоо иштерине  кошулуусун үндөшөт.

Тазалык акциясынын соңунда чогултулган таштандылар белгиленген жерге үйүлүп, “Таза-Нарын” ишканасынын кызматкерлери тарабынан чыгарылып кетет. Ал эми тазалык акциясынын уюштуруучулары баштаган ишти татыктуу өткөрүүгө даяр экендиктерин билдиришти.

IMG_7057 IMG_7058 IMG_7059 IMG_7061 IMG_7065 IMG_7067 IMG_7068 IMG_7073 IMG_7078 IMG_7079 IMG_7080 IMG_7083 IMG_7084 IMG_7085 IMG_7086 IMG_7087 IMG_7088 IMG_7089 IMG_7090 IMG_7094 IMG_7096 IMG_7100

 

Share

Нурзада Мукашова

Пресс секретарь мэрии города Нарын

Добавить комментарий