НАРЫН ШААРЫНЫН 150 ЖЫЛДЫК МААРАКЕСИНЕ КОШ КЕЛИНИЗДЕР!!!

Урматтуу алыскы жана жакынкы аймактарда турак алган жалпы кыргыз журтчулугу! Нарын шаарына кайдыгер карабаган атуулдар! Шаарыбыздын тургундары жана азиз меймандары!

Сиздерди 21-22-сентябрда белгиленүүчү Нарын шаарынын 150 жылдык мааракесине арналган салтанаттуу иш чарага чакырабыз!

Маараке 21-сентябрь күнү саат 11.00дɵ М. Рыскулов атындагы академиялык музыкалуу драма театрында расмий ачылат.

Мындан соӊ 13.00дɵ «Ала-Тоо» стадионунда Нарын шаарынын 150 жылдык мааракесине арналган театралдаштырылган программа жана концерт тартууланып, «Нукура» фестивалы ɵткɵрүлɵт. Иш чарада облустук, шаардык, райондук мекеме-ишканалардын жамааттары тарабынан улуттук каада-салттардын үлгүлɵрү жана кыргыз элинин кол ɵнɵрчүлүгүнɵн жаралган нукура буюмдарды, улуттук тамак-аштын түрлɵрүн даярдоо ыкмалары кɵрсɵтүлɵт.

Андан кийин 14.00дɵ Т. Усубалиев атындагы борбордук аянтта шаардагы бардык билим берүү мекемелеринин аракети менен даярдалган «Нарын келечеги жаштарда» аталышындагы оюн-зоок программасы тартууланат.

Кечки саат 18.00дɵн 21.00гɵ чейин «Ала-Тоо» стадионунда Кыргызстандагы белгилуу эстрада жылдыздарынын жана жергиликтүү маданият кызматкерлеринин катышуусунда чоӊ программадагы концерт берилет.

Бул күнкү иш чара «Ала-Тоо» стадионунда майрамдык фейерверк менен жыйынтыкталат.

Мааракелик иш чара эртеси күнү 22-сентябрда саат 10.00дɵ «Кур-Терек» ат майданында улуттук ат оюндары менен улантылмакчы.

Сүйүктүү шаарыбыздын 150 жылдык мааракесине күбɵ болуп, Нарын шаарынын басып ɵткɵн жолуна жана бүгүнкүсүнɵ сереп салып, майрамдык иш чарадан эргүү алып, эс алып кетиӊиздер!!!

Рекламага сурот (2)

FacebookTwitterVKOdnoklassnikiWhatsAppДостор менен бөлүшүү

Добавить комментарий