Нарын шаарынын мэри Алымкулов Эмилбек Абдыраимович

Нарын шаарынын мэри Алымкулов Эмилбек Абдыраимович

Нарын шаарынын мэри Эмилбек Алымкуловдун ɵмүр баяны.

Алымкулов Эмилбек Абдыраимович 1966-жылдын 15-апрелинде Нарын районунун Оттук айылында жарык дүйнɵгɵ келген.

1988-жылы К. И. Скрябин атындагы Кыргыз айыл чарба институтун артыкчылык диплом менен аяктап, зооинженер кесибине ээ болгон.

Алгачкы эмгек жолун 1988-жылы Тянь-Шань районуна караштуу Коммунизм колхозунда зоотехник-селекционер болуп иштɵɵ менен баштап, 1989-жылы ушул эле колхоздо башкы зоотехник болуп эмгектенген.  

1993-1994-жылдары «Тянь-Шань» мамлекеттик асыл тукум заводунда башкы зоотехник, 1995-1997-жылдары «ТАСИЗ-3» Эл аралык долбоорунун Нарын облусу боюнча консультанты, 1997-1998-жылдары «Хельветас» Швейцариялык долбоорунун Нарын облусу боюнча башкы консультанты кызматтарында иштеп келген.

1998-2003-жылдары «Тянь-Шань» мамлекеттик асыл-тукум заводунда директор, 2003-2007-жылдары «Улар» дыйкан чарбасынын башчысы, 2007-2009-жылдары Нарын райондук мамлекеттик администрациясынын башчысынын биринчи орун басары, 2009-2010-жылдары Ак-Талаа райондук мамлекеттик администрациясынын башчысы-аким, 2010-2012-жылдары Нарын облустук мамлекеттик администрациясынын башчысынын-губернатордун биринчи орун басары, 2012-2014-жылдары КРнын Ѳкмɵтүнүн Нарын облусундагы ыйгарым укуктуу ɵкүлүнүн биринчи орун басары, 2014-2016-жылдары «Жогорку Нарын ГЭС» ЖАКнын башкармалыгынын мүчɵсү, аппарат жетекчиси кызматтарын аркалаган.

2017-жылдын февраль айынан тартып Нарын шаарынын мэри болуп иштеп келе жатат.

Эмилбек Алымкулов мамлекеттик жооптуу кызматтарды аркалоо менен коомдук жумуштарга да активдүү катышып келет.  2000-2005-жылдары Нарын райондук Кеӊешинин депутаты болгон. Учурда Кыргыз Республикасынын Жергиликтүү ɵз алдынча башкаруулар Союзунун Башкармалыгынын тɵрагасы катары үзүрлүү эмгектенүүдɵ.

Үй-бүлɵлүү, тɵрт баланын атасы.

Кыргыз Республикасынын Жергиликтүү ɵз алдынча башкаруусунун эмгек сиӊирген кызматкери.

Share

Comments are closed.