ТАЗАЛЫК АКЦИЯСЫ МАДАНИЯТ ТАРМАГЫНДА

Бүгүн, 19-майда Нарын шаарындагы мекеме-ишканалар ортосунда жүрүп жаткан «Тазалык-өнүгүүнүн башаты» акциясынын алкагында Московский аймагындагы Ж. Акималиев паркынын ичи ирээтке келтирилип, отургучтары жана таштанды салуучу челектери сырдалды.

Бул иш шаардын маданият тармагындагы мекемелеринин, тактап айтканда, шаардык китепкананын, маданият бөлүмүнүн жана Ж. Шералиев атындагы балдар искусство мектебинин эмгек жамааттарынын аракети менен жүзөгө ашты.

Акциянын натыйжасы менен парктагы 28 даана отургуч жана 14 даана таштанды челектер сырдалып, көрккө келтирилди. Сырдоо иштерине 8 миң сомдон ашык каражат жумшалды.

Белгилей кетсек, буга чейин аталган парктын сырткы темир тосмолору жана түнкү жарыктары КСДП партиясынын мүчөлөрү тарабынан калыбына келтирилген эле.

Бүгүн тазалык эстафетасы салтка айлангандай салтанаттуу кырдаалда С. Бекмамбетов атындагы спорт мектебинин жана Нарын шаардык балдар, уландар спорт мектебинин эмгек жамааттарына өткөрүлүп берилди. Бул жамааттар шаардын дагы бир коомдук жайын көрктөндүрүшмөкчү.

32624883_220381918554424_336887171589865472_n 32679025_220381535221129_5734935913268510720_n 32823305_220382071887742_1008310578520784896_n 32837780_220381908554425_3718160614145654784_n 32845673_220382078554408_1292038106664402944_n

32935630_220381718554444_7864008990680678400_n

Share

Нурзада Мукашова

Пресс секретарь мэрии города Нарын

Добавить комментарий