“ТАЗА НАРЫН” ИШКАНАСЫНА ЖАӉЫ ТЕХНИКАЛАР АЛЫНЫП БЕРИЛДИ.

Нарын шаарынын тазалыгын, кɵрктүүлүгүн арттыруу максатында “Таза Нарын” ишканасына жергиликтүү бюджеттин эсебинен тендер жолу менен 2 миллион 464 миӊ сомго эки даана КамАЗ автоунаасы жана бир оор жүк жүктɵɵчү техника алынып берилди.

Ишканада буга чейин 23 техника болсо, эми алардын катары жаӊылары менен толукталды.

Бүгүн, 30-июлда техникалар жергиликтүү бийлик ɵкүлдɵрүнүн жана депутаттардын катышуусунда “Таза Нарын” ишканасынын кызматкерлерине салтанаттуу кырдаалда тапшырылды.

Нарын шаарынын мэри Эмилбек Алымкулов унаалардын акжолтой болуп, элге кызмат кылуусун тилек кылуу менен бул маселелерди колдоп берген шаардык Кеӊештин депутаттарына ыраазылык билдирди. Ошондой эле шаардын бюджети кɵбɵйсɵ кийинки жылдары ички жолдорду ремонттоп турганга ылайыктуу унааларды алуу зарылчылыгын белгиледи.

Ал эми шаардык Кеӊештин депутаты Сталбек Муканбетов Нарын шаары таза шаарлардын катарына кирээрин жана колдон келишинче жергиликтүү бийлик тарабынан ишканага шарт түзүлүп берилип жатканын билдирди.

37970666_266245833968032_6576474797176258560_n_result 37972993_266246130634669_3362188733901176832_n_result 38024790_266245723968043_3037922130437079040_n_result 38028709_266245920634690_4013380757513830400_n_result 38040870_266246250634657_8680254056268038144_n_result 38046099_266246373967978_2557030915935043584_n_result

38043167_266245463968069_5131719829698379776_n_result

37969499_266245643968051_4889754579266174976_n_result

Share

Нурзада Мукашова

Пресс секретарь мэрии города Нарын

Добавить комментарий