Түркиянын шаарлары менен Нарын шаарынын ортосунда кызматташуу келишими түзүлдү.

 

 DSC_1203_resultТүркия Республикасынын Кастамону шаары жана Анкара шаарынын Этимесгут району менен Нарын шаарынын ортосунда ɵз ара кызматташуу келишими түзүлдү.

Бул боюнча ɵткɵн аптада Нарын шаарынан түзүлгɵн расмий  топтун Түркия мамлекетине болгон иш сапарында сүйлɵшүүлɵр жүрдү.

Курамын Нарын шаарынын мэри Э. Алымкулов, шаардык Кеӊештин тɵрагасы Ж. Ботоканов, Нарын мамлекеттик университетинин ректору Д. Ѳмүралиева, Кыргыз Респубикасынын Ѳкмɵтүнүн Нарын облусундагы ыйгарым укуктуу ɵкүлчүлүгүнүн бɵлүм башчысы Н. Сатаров түзгɵн расмий топтун Кастамону, Анкара шаарларындагы иш сапары жемиштүү болду.

Иш сапары учурунда расмий топ аталган шаарлардагы бир катар социалдык оьектилер менен таанышып, тажрыйба алмашышты.

Жолугушууларда Нарын шаарынын мэри Эмилбек Алымкулов Кастамону шаарынын мэри Таксин Бабаш жана Анкара шаарынын Этимесгут районунун башчысы Энвер Демирель менен түзүлгɵн  кызматташуу келишимине кол койду.

2018-жылдын 5-7-февраль күндɵрү эки тарап кол койгон келишимде ɵз ара урмат-сый, ишеним менен эки ɵлкɵнүн мыйзамдарынын чегинде ар тараптуу мамилелерди ɵркүндɵтүү; ɵз ара экономикалык, билим берүү жана башка багыттардагы кызматташтыкты бекемдɵɵ; маданият, билим берүү жана ден соолук жаатында маданий жана тарыхый мурастарды коргоо үчүн тараптуу алакаларды арттыруу; эки тараптын мекемелериндеги жумушчулардын билим алуусун ɵркүндɵтүү, ошондой эле маалымат жана тажрыйба алмашуу багытында кызматташуу маселелери камтылды.

Сүйлɵшүүлɵргɵ ылайык,   Кастамону шаарынын мэри Нарын шаарындагы бир паркты заманбап реконструкциялап берүүнү колго алаарын билдирди.

Ал эми Анкара шаарынын Этимесгут районунун жетекчилиги март айында Нарын шаарына иш сапары менен келип, ошондон кийин кайсы маселе боюнча конкреттүү колдоо кɵрсɵтɵɵрүн айтты.

Ошондой эле Нарын мамлекеттик университети менен Түркиянын Кастамону университетинин ортосундагы келишимдин негизинде НМУга Кыргыз-Түрк факультетин ачуу; факультеттин алкагында ветеринария, экономика, компьютердик технологиялар, түрк тили сыяктуу заманбап адистиктерди уюштуруу; студенттер менен окутуучулардын тажрыйба алмашуу программаларын ишке ашыруу; НМУда заманбап ветеринардык клиника ачуу боюнча сүйлɵшүүлɵр жүрдү.

DSC_1087_result DSC_1099_result DSC_1108_result DSC_1112_result DSC_1126_result DSC_1128_result DSC_1139_result DSC_1144_result DSC_1150_result DSC_1177_result DSC_1179_result DSC_1185_result DSC_1188_result DSC_1205_result DSC_1219_result DSC_1220_result DSC_1227_result

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Нарын шаардык мэриясынын пресс-кызматы.

 

 

 

 

Share

Нурзада Мукашова

Пресс секретарь мэрии города Нарын

Добавить комментарий