Улуу Жеӊиштин 70 жылдыгы чоӊ салтанат менен белгиленди

«Улуу Жеӊишке — 70 жыл» сейил багынын ачылышынан жана «Тянь-Шань» паркындагы митинг-реквиемден кийин жетекчилик, ардагерлер жана элдик масса майрамдын негизги бɵлүгү ɵтүлүүчү борбордук Т.Усубалиев атындагы аянтка келишти.

Ал эми аянтта таӊ эртеден баштап тематикалык музыкалар жаӊырып, сахна жасалгаланып, аскерлердин схема боюнча тизилүүсү, элдин аянтка чогулуусу  жүрүп жатты.

Туура саат 10-00 до УАЗ автоунаалары ардагерлерди атайын даярдалган шатерлорго алып келип, кызыл килемден ɵткɵрүп, алардын ардактуу орундарга  жайгашуусунан кийин майрамдык салтанатты шаар мэри Р.Адиев ачып, куттуктоо сɵзүн сүйлɵдү.

Анда, ал Улуу Ата Мекендик согуштагы  элибиздин улуу эрдигин даӊазалаган- Улуу Жеӊиштин 70 жылдык мааракеси менен Согуштун ардагерлерин, ооруктун эмгекчилерин жана жалпы теӊиртоолуктарды куттуктап, “ушул жылдар арасында ɵлкɵбүздүн бир нече мууну калыптанды. Жакшы турмушка умтулуу менен бирге биз ɵткɵн турмушубузду эстен чыгарууга болбостугун, бүгүнкү турмушту негиздеп, түптɵгɵн улуу муундун эмгегин баалай билүүгɵ милдеттүү экендигибизди, жана азыркы муундун атынан кан майданда баатырларча курман болгондордун, бүгүнкү күндүн жарыгын кɵрбɵй калгандардын элесине жана ооруктун эмгекчилерине тизе бүгүп, тереӊ таазим этебиз деп билдирди шаар башчысы.

Борбордук аянттан КР ЖКтин депутаттары Ч.Турсунбеков, Б.Шаршеев, Ѳкмɵттүн Нарындагы ɵкүлү А.Кайыпов, облустук ардагерлер кеӊешинин тɵрагасы К.Калназаров куттуктоо сɵз сүйлɵшүп, калыӊ журтту Улуу Жеӊиштин 70 жылдык мааракеси менен куттукташты.

Ошентип кɵптɵн күткɵн аскердик парад ɵтүп, ага улай Улуу Ата Мекендик согушта курман болгондордун сүрɵттɵрүн кɵтɵрүп билим берүү, маданият, медицина  кызматкерлери, мектеп окуучулары, 70 метрлик каармандык лентасын кɵтɵргɵн студенттер жүрүш жасап, андан соӊ согуш убагын чагылдырган театрлаштырылган кɵрсɵтүү тартууланды.

Ал эми салтанаттуу майрамдын соӊунда май айындагы вальс бийленип, велосипед жана роликчен балдардын аянтты тегеренүүсү жана ардагерлерге гүл тапшыруусу менен коштолду.

Улуу Жеӊиштин 70 жылдык мааракеси Кур-Теректе улуттук ат оюндары менен улантылды.

IMG_0887 IMG_0890 IMG_0895 IMG_0910 IMG_0912 IMG_0913 IMG_0915
IMG_0925
IMG_0938 IMG_0945 IMG_0951 IMG_0952 IMG_0959 IMG_0961 IMG_0965 IMG_0998 IMG_1004 IMG_1005 IMG_1008 IMG_1009 IMG_1019 IMG_1028 IMG_1034 IMG_1047 IMG_1053 IMG_1065 IMG_1074 IMG_1076 IMG_1081 IMG_1090 IMG_1107 IMG_1113 IMG_1119 IMG_1127
IMG_1162
IMG_1166

Share

Нурзада Мукашова

Пресс секретарь мэрии города Нарын

Добавить комментарий