«УЛУУ МАЙРАМ БИЗДИН КАЙГЫБЫЗ ДАГЫ, САЛТАНАТЫБЫЗ ДАГЫ» — ШААР МЭРИ Э.АЛЫМКУЛОВ

Нарын шаарында Улуу Жеңиштин 72 жылдыгына арналган майрамдын негизги бөлүгү “Тянь-Шань” паркында эскерүү митинги менен улантылды. Бул тууралуу мэриянын маалымат катчысы Элиза Качкымбаева билдирет.

Анда Улуу Ата Мекендик согушта курман болгондорго арналган эстеликке гүл чамбарлар коюулуп, эскерүү минутасы жарыяланып, асманга ок атылды. Согушта курман болгондорго куран окулуп, Кыргыз Республикасынын +км=тънън облустагы өкүлүнүн, шаар, район жетекчилеринин куттуктоолору айтылды.

Митингди алып барган шаардын мэри Э.Алымкулов ɵз сɵзүндɵ, «жеӊиш күнүн кɵз жаш менен кошо келген майрам деп тегин жерден атабаган чыгаар. Улуу майрам биздин кайгыбыз дагы, салтанатыбыз дагы. Бул күндү биз эстен чыгарууга акыбыз жок. Азыркы муундун атынан кан майданда баатырларча курман болгондордун, бүгүнкү күндүн жарыгын кɵрбɵй калгандардын элесине жана ооруктун эмгекчилерине тизе бүгүп, тереӊ таазим этебиз»,-деди.

Иш чаранын жүрүшүндɵ паркка тигилген аскердик чатырдын ичине ардагерлерге жана оруктун катышуучуларына дасторкон даярдалып, солдаттык каша  берилди. Майрамдык иш чара чакан концерт менен улантылды.

Белгилей кетсек, 9-май Жеңиш күнүнүн урматына жергиликтүү бюджеттин эсебинен согуштун ардагерлерине 8 миң сомдон, ал эми оруктун эмгекчилерине 3 миң сомдон материалдык колдоо катары берилди. Ал эми майрамды уюштуруп өткөрүү үчүн жергиликтүү бюджеттен 70 миң сом акча каражаты бөлүнгөн.

IMG_6865 IMG_6866 IMG_6870 IMG_6871 IMG_6872 IMG_6873 IMG_6874 IMG_6877 IMG_6883 IMG_6884 IMG_6885 IMG_6886 IMG_6887 IMG_6888 IMG_6899 IMG_6904 IMG_6916 IMG_6921 IMG_6922 IMG_6926 IMG_6929 IMG_6932 IMG_6936 IMG_6954 IMG_6957 IMG_6964

Share

Нурзада Мукашова

Пресс секретарь мэрии города Нарын

Добавить комментарий