ШААРДЫН 150 ЖЫЛДЫГЫНА ЖИГЕРДҮҮ КАТЫШКАН ЭМГЕК ЖАМААТТАРГА ЫРААЗЫЛЫК БИЛДИРЕБИЗ!

ШААРДЫН 150 ЖЫЛДЫГЫНА ЖИГЕРДҮҮ КАТЫШКАН ЭМГЕК ЖАМААТТАРГА ЫРААЗЫЛЫК БИЛДИРЕБИЗ!

Нарын шаарынын 150 жылдыгына карата «Ала-Тоо» стадионунда ɵткɵрүлгɵн майрамдык иш чара жогорку деӊгээлде ɵткɵрүлдү.

Иш чарада Нарын шаарынын басып ɵткɵн жолу жана тарыхы театралдаштырылып кɵрсɵтүлүп, шаардын бүгүнкү турмушу мекеме-ишканалардын салтанаттуу жүрүшү менен чагылдырылды.

Массалык иш чараны уюштурууда Нарын шаарынын вице-мэри Салтанат Эсенаманованын, М. Рыскулов атындагы академиялык музыкалуу драма театрынын директору Темирлан Сманбаевдин, аталган театрдын кɵркɵм жетекчиси Жалил Мидиновдун, «Жаш кыял» музыкалык театрынын директору Анара Чилетированын жана ушул эле театрдын башкы балетмейстери жана режиссеру Жаныбек Чилетировдун эмгектери зор болду.

Театралдаштырылган массалык иш чара М. Рыскулов атындагы академиялык музыкалуу драма театрынын, Нарын шаардык маданият бɵлүмүнүн, «Жаш кыял» бий ансамблинин, Ж. Шералиев атындагы искусство мектеби даярдаган 80 комузчунун, Борбордук Азия университетинин, Нарын мамлекеттик университетинин, медициналык, юридикалык, педагогикалык, техникалык колледждердин студенттеринин, шаардагы орто мектептердин окуучуларынын катышуусу менен жүзɵгɵ ашып, элге жагымдуу майрамдык маанай тартуулай алды.

Ал эми шаардын бүгүнкү турмушун чагылдарган салтанаттуу жүрүшкɵ маданият кызматкерлери, билим берүү, саламаттыкты сактоо тармактарынын ɵкүлдɵрү, М. Мырзабеков атындагы №87-кесиптик лицейинин, «Суу канал», «Таза Нарын» ишканаларынын кызматкерлери жигердүү катышты.

Мындан сырткары «Нукура» фестивалы ɵткɵрүлүп, облустук, райондук, шаардык мекеме-ишканалардын эмгек жамааттарынан турган үч топ кыргыз элинин «келин алуу», «сеп берүү», «тушоо кесүү» салттарын жогорку деӊгээлде кɵргɵзүп беришти.

Ушул жамааттардын ынтымагы жана намыскɵй аракети менен стадиондо жети боз үй тигилип, улуттук буюм-тайымдардын, тамак-аштын түрлɵрүнүн кɵргɵзмɵсү уюштурулду.

Келген меймандарга М. Субагожоев атындагы Нарын лицейинин окуучулары ойлоп тапкан техникалардын моделдери кɵрсɵтүлүп, шаардагы диаспоралардын ɵкүлдɵрүнүн, «Кыргыз уз», «Ай-Тилек», «Даам», «Нарын келечек», «Шамшы ата» чакан ишканаларынын ɵндүргɵн продукциялары, Талант Ниязбеков жетектеген жаштар комитетинин сувенирлери соода-сатыкка коюлду.

Ушуга удаа эле Нарын шаарынын Т. Усубалиев атындагы борбордук аянтында билим берүү тармагындагы бардык мектептердин жана бала бакчалардын тарбиялануучуларынын аракети менен даярдалган «Нарын келечеги жаштарда» аталышындагы концерттик программа тартууланды.

Келечек ээлери болгон жаштардын ыр-бийлери, бɵбɵктɵр аткарган флеш-моб кɵрүүчүлɵргɵ кɵӊүлдүү маанай тартуулап, майрам шаӊын арттырды.

Шаарыбыздын мааракесине арналган маданий-массалык иш чараларга, улуттук ат оюндарына салымын кошкон ар бир катышуучуга, коомдун коопсуздугун сактап берген ички иштер кызматкерлерине, аты аталган жана аталбай калган бардык эмгек жамааттарга, массалык маалымат каражаттарынын окулдоруно тереӊ ыраазылык билдиребиз!

Нарын шаардык мэриясынын маалымат-кызматы.

42261189_1985602848152569_7846511766363176960_n_result

1acb0f82-5121-4040-aefb-17602d3dcb6c_result 5cd42a4a-23dc-4ad0-9b09-0f21be8b69a5_result 9f98913a-6283-4220-863f-b102b91847e8_result 21f988d4-3d3f-4ef7-8179-55aea33a8cae_result 70b58737-f086-4b6c-ac49-8cd8ef090752_result 145a62a0-514e-4516-ab52-6615fb92484c_result 761dab26-a31f-4555-a379-40b3164ded85_result 42206653_1985602274819293_674108994146533376_n_result 42261189_1985602848152569_7846511766363176960_n_result 53002471-c0b0-4be0-a429-a6affe82c224_result a01de93c-a81f-492b-a2f1-e2584ee85a61_result c639949b-0b17-463d-a3f6-23f6cff01ed5_result e901b6f9-2050-4c0c-91fa-c1f685ae89f6_result IMG_4026_result IMG_4028_result IMG_4033_result IMG_4035_result IMG_4037_result IMG_4038_result IMG_4039_result IMG_4040_result IMG_4041_result IMG_4042_result IMG_4043_result IMG_4046_result IMG_4047_result IMG_4048_result IMG_4052_result IMG_4053_result IMG_4054_result IMG_4057_result IMG_4058_result IMG_4059_result IMG_4060_result IMG_4062 IMG_4062_result IMG_4064_result IMG_4065_result IMG_4069_result IMG_4070_result IMG_4073_result IMG_4074_result IMG_4075_result IMG_4076_result IMG_4077_result IMG_4078_result IMG_4082_result IMG_4083_result IMG_4084_result IMG_4085_result IMG_4087_result IMG_4089_result IMG_4094_result IMG_4095_result IMG_4128_result IMG_4143_result IMG_4145_result IMG_4147_result IMG_4163_result IMG_4175_result IMG_4176_result IMG_4177_result IMG_4179_result IMG_4184_result IMG_4189_result IMG_4190_result

Share

Добавить комментарий