Бүгүн 8-декабрда Нарын шаардык мэриясынын жыйындар залында коррупцияга каршы күрɵшүүнүн эл аралык күнүнɵ карата кереге маек ɵткɵрүлдү. Бул тууралуу мэриянын басма сɵз катчысы Элиза Качкымбаева билдирет.
Кереге маекте мэриянын башкы адиси-юристи М.Бабаев Кыргыз Республикасынын Президентинин 2012-жылдын 2-февралындагы №26 Жарлыгы менен бекитилген Кыргыз Республикасында коррупцияга каршы туруунун Мамлекеттик стратегиясы жана анын Нарын шаарында жүзɵгɵ ашырылышы, КРѲ токтомуна ылайык коррупцияга каршы саясатынын мамлекеттик стратегиясын аткаруу боюнча мамлекеттик органдар тарабынан иш-чаралардын планынын аткарылышы туурасында маалымат берди.
Ал эми маалымат үчүн айтсак, 2004-жылдан тартып ар жылдын 9-декабрь күнү Бириккен Улуттар Уюмунун (БУУ) Башкы Ассамблеясы тарабынан коррупция менен күрɵшүүнүн эл аралык күнү катары белгиленип келет.
Кыргыз Республикасы 2005-жылдын 6-августундагы №128 Мыйзамы менен коррупцияга каршы күрɵшүү эл аралык конвенциясына кошулган.
