Нарын шаарынын элин көмүр отун менен камсыз кылуу боюнча жеке ишкерлерге көмүр кампаларын уюштуруп берүү үчүн шаардын төрт жеринен мэрия тарабынан жер аянттары сунушталган.
Натыйжада шаардын Жаңы-Жол аймагында, Ленин көчөсүндөгү “Курулуш материалдары” базарында, Ленин 104-үйүнүн эски отканасынын короосунда жана эски РТСтин короосунда көмүр отун кампалары уюштурулду.
Бүгүнкү күндө Ипподром аймагындагы Ленин/Ак-Мөөр көчөлөрүнүн кесилишиндеги дүкөндө көмүр отуну сатылып жатат. Мындан сырткары жеке ишкерлер автоунаалары менен кыдырып сатуу, жеткирип берүү иштерин жүргүзүшүүдө. Анын бир кабы 200 сомдон, ал эми тоннасы 3 миң 500 сомдон сатылууда. Ал эми жеке ишкерлер тарабынан кɵмүр отунун тартып келүү иштери улантылууда.
