2014-жылдын 19-ноябрына карата Нарын шаарында уюшулган жети кɵмүр отун базалардын алтоосунда, мындан сырткары шаардын базарында, жеке үйлɵрдɵ сапатына, ордунан алуу же жеткирип берүү жана унаа менен кыдырып сатуу шартына жараша, 3 миӊ сомдон 4 миӊ сомго чейин кɵмүр сатылууда. Бул тууралуу нарын шаардык мэриясынын маалымат катчысы Э.Качкымбаева билдирет.
Кɵмүр отун базалардагы кɵмүрдүн кɵлɵмү тɵмɵндɵгүдɵй:
- РТС аймагы Молдоев кɵчɵсү, «Айдай» дүкɵнү -25 т.
- РТС аймагы, эски РТС кампасы – 20 т.
- Борбор аймагы, Айгыр-Жал 21 – 10 т.
- Борбор аймагы, Мамбетакунов №5 – 12 т.
- Ипподром аймагы, «Кенч строй» ЖЧКму -100 т.
- Кɵтɵрмɵ аймагы А.Бактыгулов кɵчɵсү -60 т.
Ошондой эле Нарын шаарындагы облустук, шаардык, райондук мекеме-ишканалар тарабынан жеринен тартып келүү жолу менен 1600-2800 сомго чейинки баадагы кɵмүр менен кызматкерлер камсыз болууда.
Ал эми кɵмүр тартып келүү жана сатуу иштери дагы да болсо улантылууда.
